യമുന കരയുന്നു;
എന്റെ കണ്ണുകളില്‍ നോക്കി.
ഹൃദയത്തില്‍ നോവുകളുടെ ശരവര്‍ഷം നടത്തി
യമുന കരയുന്നു!
നീണ്ട നാളുകള്‍ക്കുമിപ്പുറം
മറ്റൊരു സമാഗമം.
പ്രണയത്തിന്റെ തീജ്ജ്വാലയില്‍
ചിറകൂകരിഞ്ഞവര്‍
താളം മറന്നവര്‍
പിന്നിട്ട വഴികളില്‍
കണ്ണീരുപ്പു ശേഷിപ്പിച്ചവര്‍.
ജീര്‍ണ്ണിച്ച ചിന്തകളില്‍
അശാന്തി പടര്‍ത്തി
പിന്നെയും യമുന കരയുന്നു!
രാഗം തുളുമ്പിയ നിശകളില്‍
നിഴലും നിലാവുമായവര്‍,
ശ്രുതിലയങ്ങളായ് ചേര്‍ന്നവര്‍.
എന്നിട്ടും മനസ്സിന്റെ കോണിലെങ്ങോ
അസംതൃപ്തിയുടെ നിഴലാട്ടം കണ്ടവര്‍.
പിന്നെ,വിരഹവേദനയുടെ
ചൂടറിഞ്ഞവര്‍!
മരവിച്ച ഓര്‍മ്മകളില്‍ വിഷാദമുണര്‍ത്തി
വീണ്ടും യമുന കരയുന്നു......!
ജാലകം
എന്നെക്കുറിച്ച്
- Maranalloor Satheesh
- Thiruvananthapuram, Kerala, India
- ആഴക്കടലില് അനന്തശയനം കൊളളുന്ന ശ്രീപത്മനാഭന്റെ നാട്ടില് പിറവിയെടുക്കാന് കഴിഞ്ഞത് പുണ്യമായ് കരുതുന്ന ഈയുളളവന്, റബ്ബര് മരങ്ങള് തണല് വിരിക്കുന്ന, തോടുകളും കുളങ്ങളുമുളള, തെങ്ങും കമുകും വാഴകളും നിറഞ്ഞ, എങ്ങും പച്ചപ്പുളള, ചീനിവിള എന്നു പേരുളള ഒരു കൊച്ചുഗ്രാമത്തില് കുടുംബത്തോടൊപ്പം ഇണങ്ങിയും പിണങ്ങിയും ജീവിക്കുന്നു....!
 |
ഇ-മലയാളം
4 comments:
നല്ല വരികള്‍
ആശംസകള്‍
നീണ്ട നാളുകള്‍ക്കുമിപ്പുറം
മറ്റൊരു സമാഗമം.
ഡല്‍ഹില്‍ പോയിരുന്നോ....
അരുണ്‍,
ആശംസകള്‍ക്ക് നന്ദി!
സന്തോഷ്,
താങ്കളുടെ തിരിച്ചുവരവില്‍ ഒത്തിരി സന്തോഷം!
നന്നായിരിക്കുന്നു.
ആശംസകള്‍.
Post a Comment