കുന്നിടിച്ചു നമ്മള്‍ കുഴിനികത്തി
രമ്യഹര്‍മ്യങ്ങള്‍ പണിതുയര്‍ത്തി.
കാടായ കാടൊക്കെ വെട്ടി നമ്മള്‍
കാടിന്റെ മക്കളെ കുടിയിറക്കി.
പച്ചപ്പു തിങ്ങും വയലേലകള്‍
തരിശിട്ടു നമ്മള്‍ കൊടിപിടിച്ചു.
പൊന്നുപൂക്കുന്നൊരീ മണ്ണില്‍ നമ്മള്‍
പണിയെടുക്കാതെ മടിച്ചു നിന്നു.
വരളും പുഴയുടെ മാറുകീറി
മണലിനായ് നമ്മള്‍ പരതി നോക്കി.
പിടയുന്ന ജീവി തന്‍ ചോരയൂറ്റി
കാശിനായ് നമ്മള്‍ കടല്‍ കടത്തി.
പശിയടക്കാന്‍ വന്ന ബാല്യങ്ങളെ
വലയില്‍ക്കുരുക്കി വിലപേശി നമ്മള്‍.
മാര്‍ഗ്ഗതടസ്സങ്ങളൊഴിവാക്കിടാന്‍
‘ക്വട്ടേഷന്‍‘ നല്‍കാന്‍ ശീലിച്ചു നമ്മള്‍.
പരിണാമമാണിതു പരിണാമമത്രേ
മനുഷ്യനില്‍ നിന്നു മൃഗത്തിലേക്ക്...?!
പരിണാമമാണിതു പരിണാമമത്രേ
നാകത്തില്‍ നിന്നു നരകത്തിലേക്ക്...?!
ജാലകം
എന്നെക്കുറിച്ച്
- Maranalloor Satheesh
- Thiruvananthapuram, Kerala, India
- ആഴക്കടലില് അനന്തശയനം കൊളളുന്ന ശ്രീപത്മനാഭന്റെ നാട്ടില് പിറവിയെടുക്കാന് കഴിഞ്ഞത് പുണ്യമായ് കരുതുന്ന ഈയുളളവന്, റബ്ബര് മരങ്ങള് തണല് വിരിക്കുന്ന, തോടുകളും കുളങ്ങളുമുളള, തെങ്ങും കമുകും വാഴകളും നിറഞ്ഞ, എങ്ങും പച്ചപ്പുളള, ചീനിവിള എന്നു പേരുളള ഒരു കൊച്ചുഗ്രാമത്തില് കുടുംബത്തോടൊപ്പം ഇണങ്ങിയും പിണങ്ങിയും ജീവിക്കുന്നു....!
 |
ഇ-മലയാളം
No comments:
Post a Comment